GS IV ស្រោប​មាស​ថ្លៃ​ជាង ២ពាន់​ដុល្លារ!

GS IV ស្រោប​មាស​ថ្លៃ​ជាង ២ពាន់​ដុល្លារ! 

មិន​ត្រឹម​តែ iPhone 5 ទេ​ ដែល​ទទួល​បាន​ការ​រចនា​ស្រោប​មាស​បន្ថែម​លើ​លក្ខណៈ​ដើម តម្លៃ ១,៥លាន​​ដុល្លារ​អាមេរិក។ នៅ​ពេល​នេះ សូម្បី​តែ Galaxy S IV ក៏​ត្រូវ​បាន​គេ​ស្រោបមាស​ជា​មួយ​តម្លៃ​​មិន​ធម្មតា​​ជាង ២ពាន់ដុល្លារ​។
ថ្មីៗនេះ Smartphone កំពូល​ត្រកូល Galaxy ជំនាន់​ចុង​ក្រោយ​​ Galaxy S IV នេះ​ត្រូវ​បាន​ក្រុមហ៊ុន​អង់គ្លេស​ឯកទេស​ខាង​កែច្នៃ​សម្ភារៈ​បច្ចេកវិទ្យា​ ទំនើបៗ​មាន​ឈ្មោះ​ថា Goldgenie បាន​​​ស្រោប​មាសបន្ថែម​​​ដែលមាន​តម្លៃ​ជាង​១,៧០០ផោន ឬ​ស្មើ ២,៥០០ដុល្លារ​អាមេរិក។
មូលហេតុ ​ដែល Smartphone នេះ​មាន​តម្លៃ​ថ្លៃ​ដោយ​សារ​ប្លាទីន និង​មាស​ក្រហម​ដែល​គេ​បាន​ស្រោប​នៅ​លើ​សម្បក​របស់​ទូរសព្ទដ៏​ទំនើប​នេះ។ ដើម្បី​ឱ្យ​កាន់​តែ​លំអិត​ជាង​នេះ ប្រិយមិត្ត​អាច​ចូល​ទៅ​កាន់​គេហទំព័រ​របស់​ក្រុមហ៊ុន goldgenie។
 ប្រភពដើមៈ សsabay