ល្បី​ GS IV mini ឥឡូវ​ស្រាប់​លេច​រូប GS IV Active លក្ខណៈ​សម្បត្តិ​មិន​ធម្មតា

ល្បី​ GS IV mini ឥឡូវ​ស្រាប់​លេច​រូប GS IV Active លក្ខណៈ​សម្បត្តិ​មិន​ធម្មតា 

ចចាមអារ៉ាម ​ពី Galaxy S IV ដែល​ថា​ក្រុមហ៊ុន​នឹង​បន្ត​អភិវឌ្ឍ​បន្ថែម​បច្ចេកវិទ្យា​មិន​ជ្រាប​ទឹក ស្រាប់​តែ​មក​ដល់​ពេល​នេះហាក់​មាន​ពន្លឺបន្ដិចៗ​ហើយ។ Smartphone ម៉ូដែល​ថ្មី​ដែល​ស្ថិត​ក្នុង​សែស្រឡាយ​ជា​មួយ Galaxy S IV គឺ Galaxy S IV Active នោះ​បាន​លេច​រូប​នៅ​លើ​គេហទំព័រ gsmarena។

Samsung I9295 Galaxy S 4 Active ស៊េរី​ថ្មី​នេះ​ នឹង​​រួម​បញ្ចូល​បច្ចេកវិទ្យា​ខ្ពស់​មិន​ជ្រាប​ទឹក និង​មិន​ចូល​ធូលី​ដី។ លក្ខណៈ​​សម្បត្តិ GS4 Active ដែល​មិន​ទាន់​បាន​ការ​អះអាង​ពី​ក្រុមហ៊ុន​ផង​នោះ រួម​មាន៖

• - CPU ប្រភេទ quad-core ល្បឿន 1.9GHz ជា​មួយ Adreno 320 GPU
• - ប្រើ chip របស់ Qualcomm ប្រភេទ Snapdragon 600
• - ចំណែក​អេក្រង់ និង resolution ដូច Galaxy S IV ដែល​មាន​ទំហំ ៥អ៊ីញ​និង 1080p
• - ​ប្រភេទ​អេក្រង់​នៅ​ពុំ​ទាន់​ច្បាស់​ថា​ប្រើ Super AMOLED ឬ​យ៉ាង​ណា​នៅ​ឡើយ​ទេ ក៏​ប៉ុន្តែ​មាន​ដង់ស៊ីតេ​ភិចហ្សែល​រហូត​ដល់ 480ppi ខ្ពស់​ជាង GS IV ដែល​មាន​ត្រឹម 441ppi

ក្រៅ ​ពី​លក្ខណៈ​សម្បត្តិ​ទាំង​អស់​នេះ អ្នក​យក​ការណ៍​ជុំវិញ Smartphone Samsung បាន​ឱ្យ​ដឹង​ថា GS4 Active នឹង​មាន​កាមេរ៉ា​ទំហំ​តូច​ជាង Galaxy S IV ដោយ​ថយ​ពី 13MP មក​នៅ​ត្រឹម 8MP (GS4 Active) វិញ។ Smartphone ស៊េរី​ថ្មី​នេះ នឹង​រឹងមាំ​ធន់​នឹង​ការ​បាក់បែក​ ព្រោះ​សំបក​វា​ផលិត​ពី​លោហធាតុ។ ខុស​គ្នា​នឹង GS IV មួយ​ចំណុច​ទៀត​នោះ នៅ​ត្រង់​ស៊េរី​ថ្មី​នេះ​នឹង​ភ្ជាប់​ជា​មួយ​ប៊ូតុង​ចំនួន ៣គ្រាប់​នៅ​ផ្នែក​ខាង​មុខ​​នៅ​ពី​ក្រោម​កញ្ចក់​អេក្រង់។
ទោះ​ជា​យ៉ាង​ណា ពុំ​មាន​ការ​អះអាង​ពី Samsung នៅ​ឡើយ​ទេ តែ​គេ​រំពឹង​ថា​នឹង​បង្ហាញ​វត្តមាន​ជា​ផ្លូវការ​ដំណាល​គ្នា​នឹង Galaxy S IV mini យ៉ាង​ឆាប់ៗ​ខាង​មុខ អាច​នៅ​ចុង​ខែ​ឧសភា​ខាង​មុខ​ក៏​ថា​បាន។
 ប្រភពដើមៈ សsabay