.jpg)
.jpg)
.jpg)
បង្ក្រាបក្រុមចោរ ប្លន់កាំភ្លើងអាការ (អាម៉ាប់អាម៉ុក) បាន ៣នាក់
ភ្នំពេញ៖ ជនសង្ស័យចំនួន៣នាក់ ក្នុង
នោះមានស្ដ្រីម្នាក់ជាភរិយា ត្រូវបានកម្លាំង នគរបាល
ខណ្ឌពោធិ៍សែនជ័យ បង្ក្រាបទាំងយប់
ព្រមទាំងរឹបអូសបានកាំភ្លើងអាការ ចំនួន ២ដើម
ដែលក្រុមចោរទាំងនេះ ត្រូវបានសមត្ថកិច្ចអះអាងថា
ធ្លាប់ធ្វើសកម្មភាពបាញ់ប្លន់ ក្នុងរាជធានីភ្នំពេញ
និងតាមបណ្ដាខេត្ដជាច្រើនដង ជាពិសេសការធ្វើសកម្មភាពប្លន់
នៅក្នុងខេត្ដព្រៃវែង ទីកន្លែងកំណើតរបស់ខ្លួន ។ការបង្ក្រាបក្រុមចោរប្លន់ ដែលសមត្ថកិច្ច ហៅពួកវាថា ជាក្រុមអាម៉ាប់ និងអាម៉ុក បានធ្វើឡើងនៅសង្កាត់ត្រពាំងក្រសាំង ខណ្ឌពោធិ៍សែនជ័យ ចាប់ពីវេលាម៉ោង ២យប់ រំលង អាធ្រាត្ររហូតដល់ម៉ោង ៥ទាបភ្លឺ បន្ទាប់ពីក្រុមចោរទាំងនេះ ប្រុងចេញធ្វើសកម្មភាពប្លន់ បើមិននៅក្នុងទឹកដីខណ្ឌពោធិ៍សែនជ័យ អាចក្នុងទឹកដីខេត្ដកណ្ដាល ប៉ុន្ដែត្រូវបានបង្ក្រាបទាន់ពេលវេលា។
ជនសង្ស័យទាំង ៣នាក់ ម្នាក់ ឈ្មោះ ឡាយ លន់ ហៅអាម៉ាប់ និងស្ដ្រីជាប្រពន្ធ ដែលយកកាំភ្លើង លាក់និងម្នាក់ទៀត ឈ្មោះអាម៉ក់ ។ ដោយនៅ វេលាម៉ោង ២ទាបភ្លឺ ចូលថ្ងៃទី២១ ខែឧសភា ឆ្នាំ២០១៣ កម្លាំងនគរបាលរបស់លោក បានឃាត់ខ្លួន ជនសង្ស័យឈ្មោះម៉ក់ រួចហើយបន្ដទៅឃាត់ខ្លួន ជនសង្ស័យឈ្មោះម៉ាប់ និងស្ដ្រីជាប្រពន្ធ ពេលកំពុងនៅក្នុងផ្ទះជួល ហើយជនសង្ស័យ រូបនេះ កម្លាំងនគរបាល ៤-៥នាក់ ស្ទើរតែចាប់វាមិនជាប់នោះឡើយ។
បច្ចុប្បន្ន ជនសង្ស័យទាំង ៣នាក់ខាងលើនេះ ត្រូវបានកម្លាំងនគរបាលខណ្ឌពោធិ៍សែនជ័យ ប្រគល់ជូនកម្លាំងនគរបាលការិយាល័យព្រហ្មទណ្ឌកម្រិតធ្ងន់រាជធានី ភ្នំពេញ ដើម្បីកសាងសំណុំរឿងបញ្ជូនទៅកាន់តុលាការ ចាត់ការតាមផ្លូវច្បាប់៕
ប្រភពដើម៖ khmer79
.jpg)
.jpg)
0 comments:
Post a Comment