iPad 5 ល្បី​ថា​ស្រាល​ជាង​ស៊េរី​មុន​​ មិន​ប្រាកដ​ថ្ងៃ​ចេញ​លក់

iPad 5 ល្បី​ថា​ស្រាល​ជាង​ស៊េរី​មុន​​ មិន​ប្រាកដ​ថ្ងៃ​ចេញ​លក់

ម្សិលមិញ​នេះ​គេហទំព័រ Digi Times ចុះផ្សាយ​ថា iPad 5 ដែល​នឹង​បង្ហាញ​មុខមាត់​លើ​ទីផ្សារ​នា​ពេល​ឆាប់ៗ​នេះ មាន​ទម្ងន់​ស្រាល​ជាង​ស៊េរី​មុនៗ​ចាប់​ពី ២៥ ទៅ ៣៣%។
ប្រភព​នានា​បានឱ្យ​ដឹង​​ថា iPad ជំនាន់​ទី ៥ របស់ Apple នេះ​នឹង​មាន​អេក្រង់​របស់​ LG និង Sharp​ ប្រភេទ Retina Displayទំហំ ៩,៧អ៊ីញ​ ។ មិន​តែ​ប៉ុណ្ណោះវា ត្រូវ​គេ​អភិវឌ្ឍន៍​លើ Touch panel ជា​ហ្វិល​ស្ដើង​ប្រភេទ TPK និង ITO ​របស់​ក្រុមហ៊ុន​បច្ចេកវិទ្យា Nitto Denko និង Teijin ដើម្បី​ឱ្យ​មាន​ដំណើរការ​កាន់​តែ​រលូន។
ពាក់ព័ន្ធ​នឹង Tablet ស្ដើង​ទំនើប​នេះ គេ​ជឿជាក់​ថា Apple នឹង​ចាប់​ផ្ដើម​ផលិត​នៅ​ខែ​ក្រោយ។ កន្លង​មក​មាន​ពាក្យ​លេច​ឮ​មក​ថា iPad 5 ប្រាកដ​ជា​មាន​លក់​លើ​ទីផ្សារ ​នៅ​អំឡុង​ខែ​ កក្កដា​ឬ​សីហា ឆ្នាំ២០១៣។ យ៉ាងណាមិញ Digi Times បាន​រាយការណ៍​ថា iPad 5 នឹង​វាយលុក​ទីផ្សារ​នៅ​ដើម​ខែកញ្ញា​ឆ្នាំ​នេះ។
ប្រភពដើមៈ សsabay