KLD is សម្ពោធ Galaxy S IV & Note 8.0 ដំណាលគ្នា    ដើម្បីឆ្លើយតបទៅការទន្ទឹងរង់ចាំការមកដល់របស់Galaxy S IV និងTablet Galaxy Note 8.0 សុទ្ធតែជាស៊េរីទូរស័ព្ទ និង​Tablet ជំនាន់ចុងក្រោយបង្អស់ដែលប្រមូលផ្ដុំទៅដោយបច្ចេកវិទ្យាទំនើប រូបរាងឌីហ្សាញកាន់តែទាក់ទាញ បូករួម​សមត្ថភាព​ខ្ពស់​មិន​អាច​កាត់​ថ្លៃ​បាន ទើបSamsung សម្រេចបើកសម្ពោធចរាចរចេញលក់ទាំង S IV និង Note 8.0 ជាផ្លូវការរួមគ្នា​នៅ​រសៀលថ្ងៃសុក្រ ទី ៣ ឧសភា​ ២០១៣នេះ។ នាឱកាសបើកសម្ពោធនេះដែរ នាយកគ្រប់គ្រងផ្នែកទូរស័ព្ទ និងបច្ចេកវិទ្យានៃក្រុមហ៊ុនSamsung Electronicសាខាថៃ​ប្រចាំកម្ពុជា លោក វ៉ាត់ ឡាំផេង ថា Samsungនៅតែប្រកាន់គោលការណ៍ច្នៃប្រឌិតឥតឈប់​មិនផ្អាក​រាល់​ការបង្កើត​ថ្មីដើម្បីបម្រើ​សេចក្ដី​ត្រូវការ​​របស់​អតិថិជន នាសម័យកាលបច្ចេកវិទ្យាសតវត្សទី ២១នេះ។ បន្តដោយលើកយកសមត្ថភាពពិសេសៗរបស់Galaxy S IV ថា Galaxy S IV ពិតជាកំពូលSmartphone ដែល​អាច​ថតរូប​បាន​ពីរប្លង់​ក្នុងពេល​តែ​មួយ (Dual Shot) ដោយកាមេរ៉ាកាន់តែធំរហូតដល់ 13MP បង្ហាញរូបភាពសងខាងក្នុងពេលតែមួយ អេក្រង់​កាន់​តែ​រស់​រវើក​ ទាញរូបភាព​កាន់​តែ​រហ័ស ​មុខងារ​បញ្ជា​ដោយ​កាយវិញ្ញា​ណ និងមុខងារជាច្រើនទៀត។ Galaxy S IV ពិតជា ដៃគូជីវិតដ៏ប្រសើរសម្រាប់មិត្តយុវវ័យសម័យថ្មី។ បញ្ជាក់ពីសក្ដានុពលរបស់Galaxy S IV សមិទ្ធផលចុងក្រោយបង្អស់របស់Samsung នេះដែរ នាយក​ប្រចាំសាខា​ក្រុមហ៊ុន ថៃ​ស៊ាំសុង ​អេឡិចត្រូនិកប្រចាំឥណ្ឌូចិន (កម្ពុជា-ឡាវ) លោក Gwihan Lee បានសង្កត់ធ្ងន់ថា ៖«ពិតណាស់​Galaxy ​S4​ ជា​សក្ខីភាព​ចំពោះ​ដំណើរវិវត្តន៍​បោះ​ជំហាន​ទៅ​មុខ​ឥត​ឈប់​ឈរ របស់Samsung​ បន្ទាប់​ពី​ទទួល​ជោគជ័យ​ដ៏ត្រចះត្រចង់​លើ​សែ​ស្រឡាយ​Galaxy នា​ពេល​កន្លងមក។ យើងនឹងមិនសំងំស្ងៀម ផ្ទុយទៅវិញនឹងខិតខំបោះជំហានទៅមុខជានិច្ច​ ជាមួយ​ទូរស័ព្ទSmartphone និង​ឧបករណ៏អេឡិចត្រូនិក ដើម្បីផ្ដល់ជូនអតិថិជនទទួលបាននូវបទពិសោធន៍ដ៏ល្អឥតខ្ចោះ»។ លោក បន្តថា ដោយយល់ពីទំនោរសេចក្ដីត្រូវការរបស់យុវវ័យ ដែលចង់បានSmartphone ស៊េរីខ្ពស់​ដែល​មាន​សមត្ថភាព​ឥតព្រំដែន រូបរាង​ស្អាត ស្ដើង ស្រាល អេក្រង់ធំទូលាយ និងតម្លៃសមរម្យទើបSamsung​ ប្រមូល​ផ្ដុំរាល់​ចំណុច​ចង់បាន​របស់​អ្នក​ប្រើប្រាស់​នៃ​សម័យកាល​បច្ចេកវិទ្យាទាំងនេះ មកច្របាច់បញ្ចូល ពូនផ្គុំ លេចចេញជារូបរាងរបស់Galaxy S4នេះឡើង។ ដោយឡែកក្រឡេកមកមើលចំណុចលេចធ្លោដែលមានលើGalaxy Note 8.0 ឯណេះវិញមានដូចជា៖

• មុខងារCall៖ Galaxy Note 8.0 អាចដាក់ស៊ីមកាតប្រភេទ Micro-Sim អាចខល ចេញ ចូលដូចទូរសព្ទទូទៅ 
•  មុខងារMulti Windows ៖ អាចឲ្យអ្នកប្រើប្រាស់បើកផ្ទាំងWindows បានច្រើនក្នុងពេលតំណាលគ្នា ដូចកុំព្យូទ័រ
•  មុខងារReading Mode៖ អាចអានសៀវភៅអេឡិចត្រូនិកកាន់តែងាយស្រួល
•  មុខងារS-Pen៖ កាន់តែងាយស្រួលក្នុងការសរសេរ ឬកត់ចំណាំ
•   ដង់ស៊ីតេភិចហ្សែល 189ppi ៖ អេក្រង់ ៨អ៊ីញប្រភេទ WXGA កាន់តែច្បាស់ត្រជាក់ភ្នែក
•   RAM កាន់តែធំ CPUកាន់តែលឿន៖ ទំហំRAM 2GB ដូចម៉ាស៊ីនកុំព្យូទ័រ រីឯCPប្រភេទQuad-core ល្បឿន 1.6GHz កាន់តែលឿន
•  រន្ធដោយបន្ថែមMemory Card៖ ក្រៅពីទំហំអង្គចងចាំក្នុងម៉ាស៊ីន ចាប់ពី 16GB ហើយនោះ Note 8.0 នៅអាចបន្ថែមមេម៉ូរីកាត ដើម្បីពង្រីកសមត្ថភាពផ្ទុកទិន្នន័យបានកាន់តែច្រើន៕ ដូច្នេះចាប់ពីបើកសម្ពោធនេះទៅ អតិថិជន ក៏ដូចជាមិត្តយុវវ័យទាំងអស់ អាចរកជាវ​ផលិតផល​គុណភាព​ខ្ពស់ សមត្ថភាព​ឥតដែនកំណត់ ​ជាមួយការឌីហ្សាញកាន់តែទាក់ទាញទាំងពីរស៊េរីខាងលើនេះ មាន Galaxy S IV និង Tablet Note 8.0 បានពី​គ្រប់ហាង​ចែកចាយ​បន្តផលិតផលSamsung គ្រប់សាខាទាំងអស់។ អ្វីដែលសំខាន់ សូមកុំភ្លេចសួររកប័ណ្ណធានា រយៈពេលមួយឆ្នាំ។